سوال

کیا مسجد کے مینار بنانا نبی ﷺ کی قولی، فعلی یا تقریری حدیث سے ثابت ہے یا نہیں؟

جواب

الحمد لله، والصلاة والسلام علىٰ رسول الله، أما بعد!

میرے علم کے مطابق، مسجد کے مینار بنانے سے متعلق نہ کوئی قولی حدیث، نہ کوئی فعلی حدیث اور نہ ہی کوئی تقریری مرفوع حدیث موجود ہے۔ یعنی نبی کریم ﷺ سے ایسی کوئی روایت منقول نہیں جو صراحت کے ساتھ مسجدوں کے مینار بنانے کی تائید کرتی ہو۔

البتہ ایک حدیث میں، جو نزولِ مسیح علیہ السلام سے متعلق ہے، اس میں رسول اللہ ﷺ نے حضرت مسیح علیہ السلام کے ایک منارے پر نازل ہونے کا ذکر فرمایا ہے۔ اس حدیث سے اشارہ ملتا ہے کہ منارہ جیسی تعمیرات کا وجود تھا یا ہوگا، لیکن یہ مسجد کے مینار کی مشروعیت پر صراحت کے ساتھ دلیل نہیں بنتی۔

ھذا ما عندي والله أعلم بالصواب