سوال

کیا مسجد کی تعمیر یا مسجد کی جگہ خریدنے پر زکوٰۃ کی رقم خرچ کی جا سکتی ہے؟

جواب

الحمد لله، والصلاة والسلام علىٰ رسول الله، أما بعد!

اللہ تعالیٰ نے قرآن مجید میں صدقات اور زکوٰۃ کے آٹھ مصارف کو واضح طور پر بیان فرمایا ہے، جیسا کہ سورۃ التوبہ کی آیت نمبر 60 میں ہے:

"إِنَّمَا الصَّدَقَاتُ لِلْفُقَرَاءِ وَالْمَسَاكِينِ وَالْعَامِلِينَ عَلَيْهَا وَالْمُؤَلَّفَةِ قُلُوبُهُمْ وَفِي الرِّقَابِ وَالْغَارِمِينَ وَفِي سَبِيلِ اللَّهِ وَابْنِ السَّبِيلِ فَرِيضَةً مِّنَ اللَّهِ ۗ وَاللَّهُ عَلِيمٌ حَكِيمٌ”
(التوبہ: 60)

ان آٹھ مدات میں مسجد کا ذکر موجود نہیں ہے۔

بعض اہلِ علم نے آیت کے الفاظ "وفی سبیل اللہ” سے یہ استدلال کیا ہے کہ مسجد کی تعمیر یا زمین کی خریداری بھی زکوٰۃ کے مصرف میں شامل ہے، یعنی اس پر زکوٰۃ کی رقم خرچ کی جا سکتی ہے۔ لیکن یہ استدلال درست نہیں ہے۔

لہٰذا، قرآن و سنت کی روشنی میں زکوٰۃ کی رقم مسجد کی تعمیر یا زمین کی خریداری پر خرچ کرنا جائز نہیں۔

ھذا ما عندي والله أعلم بالصواب