کیا سیدنا عمر ؓ بھی مصحف سے دیکھ کر قراءت کرنے سے منع کرتے تھے؟

سوال:

کیا سیدنا عمر رضی اللہ عنہ بھی مصحف سے دیکھ کر قراءت کرنے سے منع کرتے تھے؟

جواب:

سیدنا عبد اللہ بن عباس رضی اللہ عنہما سے منقول ہے:
نهانا أمير المؤمنين عمر رضى الله عنه أن يوم الناس فى المصحف.
”سیدنا عمر بن خطاب رضی اللہ عنہ نے ہمیں قرآن ہاتھ میں پکڑ کر امامت کرانے سے منع فرمایا۔“
(کتاب المصاحف: 772)
سند سخت ”ضعیف “ہے:
① نهشل بن سعید ”متروک“ اور ”کذاب“ ہے۔
(تقريب التهذيب لابن حجر: 7197، ميزان الاعتدال للذهبي: 275/4)
② ضحاک بن مزاحم کا سیدنا عبد اللہ بن عباس رضی اللہ عنہما سے سماع نہیں۔
(شعب الإيمان للبيهقي: 367/3، 187/4؛ القراءة خلف الإمام للبيهقي: 197؛ تفسير ابن كثير: 236/5؛ التلخيص الحبير لابن حجر: 21/1؛ العجائب في بيان الأسباب لابن حجر، ص: 104)