سوال

کیا کھانے کا ذائقہ چکھنے سے روزہ باطل ہو جاتا ہے؟

جواب

الحمد لله، والصلاة والسلام علىٰ رسول الله، أما بعد!

روزے کی حالت میں اگر کوئی شخص کھانے کا ذائقہ صرف چکھتا ہے اور اسے نگلتا نہیں ہے، تو اس کا روزہ باطل نہیں ہوتا۔ البتہ بغیر کسی شدید ضرورت کے ایسا کرنا مناسب نہیں ہے۔

اگر کسی مجبوری کے تحت کھانے کا ذائقہ چکھنا ضروری ہو، جیسے کہ کھانے میں نمک یا مصالحے کا اندازہ لگانا ہو، اور اس دوران بغیر ارادے کے کوئی چیز پیٹ میں چلی جائے، تو بھی اس سے روزہ ٹوٹنے کا حکم نہیں لگے گا، کیونکہ اس میں قصد و ارادہ شامل نہیں ہوتا۔

ھذا ما عندي والله أعلم بالصواب