سوال

ایک حاجی نے تیرہ تاریخ کو مشرق کی جانب سے جمرہ عقبہ کو کنکریاں ماریں مگر پتھر حوض میں نہیں گرا، تو کیا اس کے لیے تمام رمی دوبارہ لازم ہے؟

جواب

الحمد لله، والصلاة والسلام علىٰ رسول الله، أما بعد!

✿ ایسی صورت میں حاجی پر مکمل رمی دوبارہ کرنا لازم نہیں ہے۔

✿ صرف وہی حصہ دوبارہ کرنا واجب ہے جس میں غلطی ہوئی ہو۔

✿ چنانچہ حاجی کو صرف جمرہ عقبہ کی رمی دوبارہ کرنی ہوگی، اور وہ بھی درست طریقے سے۔

وضاحت:

✿ مشرق کی جانب سے کی گئی وہ رمی درست نہیں مانی جائے گی جس کی کنکری حوض میں نہیں گری، کیونکہ حوض ہی رمی کی اصل جگہ ہے۔

✿ اگر وہ مشرقی جانب سے پل کے اوپر سے رمی کرتا، تو وہ درست ہوتی کیونکہ ایسی صورت میں کنکری سیدھی حوض میں گرتی ہے۔

ھذا ما عندي والله أعلم بالصواب