ماخوذ: فتاوی امن پوری از شیخ غلام مصطفی ظہیر امن پوری
سوال:
کیا حالت احرام میں سرمہ لگایا جا سکتا ہے؟
جواب:
اگر حالت احرام میں سرمہ لگانے کی ضرورت ہو، تو بغیر خوشبو والا سرمہ لگایا جا سکتا ہے، اس میں کوئی حرج نہیں۔
❀ حافظ نووی رحمہ اللہ (676ھ) فرماتے ہیں:
اتفق العلماء على أن للمحرم أن يكتحل بكحل لا طيب فيه إذا احتاج إليه
اہل علم کا اتفاق ہے کہ ضرورت کے وقت محرم ایسا سرمہ لگا سکتا ہے، جس میں خوشبو نہ ہو۔
(شرح مسلم: 8/125)