کیا جمعہ کے خطبے پر خطیب کو تنخواہ لینا جائز ہے؟

سوال

کیا خطیب اور واعظ جمعہ کے خطبے اور درس وغیرہ کی مقرر کر کے تنخواہ لے سکتا ہے؟

جواب

الحمد لله، والصلاة والسلام علىٰ رسول الله، أما بعد!

جی ہاں، خطیب اور واعظ جمعہ کے خطبے اور درس وغیرہ پر مقرر ہو کر تنخواہ لے سکتے ہیں۔

اس کی دلیل نبی اکرم ﷺ کا ارشادِ گرامی ہے:

«اِنَّ اَحَقَّ مَا اَخَذْتُمْ عَلَيْهِ اَجْرًا کِتَابُ اﷲِ»
’’سب سے زیادہ جس چیز پر تم اجرت لینے کا حق رکھتے ہو وہ اللہ کی کتاب ہے‘‘

(یعنی قرآن کریم کی تعلیم و تلاوت، یا اس کی تبلیغ و وعظ پر اجرت لینا جائز ہے)

ھذا ما عندي والله أعلم بالصواب