سوال:

کیا صرف ایک نفلی روزہ رکھنا جائز ہے یا اس کے ساتھ دوسرا تیسرا بھی ملایا جائے گا؟

جواب:

صرف ایک نفلی روزہ بھی رکھا جا سکتا ہے، البتہ صرف جمعہ والے دن کو روزے کے ساتھ خاص نہیں کرنا چاہیے، اس سے منع کیا گیا ہے، جمعہ کے ساتھ جمعرات یا ہفتہ کا روزہ ملا لینا چاہیے۔
سیدنا ابوہریرہ رضی اللہ عنہ سے مروی ہے کہ رسول اللہ صلی اللہ علیہ وسلم نے فرمایا:
لا يصومن أحدكم يوم الجمعة إلا أن يصوم يوما قبله أو بعده
تم میں سے کوئی جمعہ کے دن روزہ نہ رکھے، الا یہ کہ اس سے پہلے یا بعد میں ایک دن کا روزہ رکھے۔
(صحیح البخاری: 1985، صحیح مسلم: 1144)