کام کی مشقت کی وجہ سے روزہ چھوڑنا – کیا جائز ہے؟

سوال

جس شخص کا کام بہت زیادہ محنت طلب ہو اور روزہ رکھنا اس کے لیے مشکل ہو تو کیا اس کے لیے روزہ چھوڑنے کی اجازت ہے؟ اس بارے میں آپ کی کیا رائے ہے؟

جواب

الحمد لله، والصلاة والسلام علىٰ رسول الله، أما بعد!

میری اس مسئلے میں رائے یہ ہے کہ کام کی وجہ سے روزہ نہ رکھنا حرام ہے اور جائز نہیں۔ اگر کوئی شخص اپنے کام کی وجہ سے روزہ رکھنے سے قاصر ہو تو وہ رمضان میں چھٹی لے تاکہ رمضان کے روزے رکھ سکے۔ کیونکہ رمضان کا روزہ ارکان اسلام میں سے ایک اہم رکن ہے اور اس میں کوتاہی کرنا جائز نہیں۔

ھذا ما عندي والله أعلم بالصواب