کافر سے مسلمان عورت کے نکاح کا حکم احادیث کی روشنی میں

سوال:

کافر سے مسلمان عورت کے نکاح کا کیا حکم ہے؟

جواب:

مسلمان عورت کا نکاح کسی کافر سے نہیں ہو سکتا۔
❀ علامہ ابن جزی رحمہ اللہ (741ھ) فرماتے ہیں:
انعقد الإجماع على أن الكافر لا يتزوج مسلمة، سواء كان كتابيا أو غيره
اس پر اجماع منعقد ہو چکا ہے کہ کافر کا مسلمان عورت سے نکاح جائز نہیں، خواہ وہ کافر کتابی ہو یا غیر کتابی۔
(تفسير ابن جزي: 120/1)
❀ علامہ خازن حنفی رحمہ اللہ (741ھ) فرماتے ہیں:
انعقد الإجماع على أنه لا يجوز لمسلمة أن تتزوج
اس پر اجماع منعقد ہو چکا ہے کہ کسی مسلمان عورت کے لیے جائز نہیں کہ وہ (اعتقادی مشرک) سے نکاح کرے۔
(تفسير الخازن: 215/1)
❀ علامہ ابن مفلح رحمہ اللہ (884ھ) فرماتے ہیں:
لا يحل لمسلمة نكاح كافر بحال، لا نعلم فيه خلافا
کسی مسلمان عورت کے لیے جائز نہیں کہ کافر کے ساتھ نکاح کرے، ہمیں اس بارے میں کسی اختلاف کا علم نہیں۔
(المبدع: 139/6)