سوال

چار پانچ سالہ بچہ باپ کے ساتھ نماز کے لیے کھڑا ہے اور جماعت کے ساتھ نماز ادا کر رہا ہے۔ اب وہ بچہ نماز کے دوران ادھر اُدھر دیکھتا ہے اور صف کی ترتیب برقرار نہیں رہتی۔ اس صورت میں کیا حکم ہے؟

جواب

الحمد لله، والصلاة والسلام علىٰ رسول الله، أما بعد!

• باپ کو چاہیے کہ وہ بچے کو پہلے سے اس بات کی تربیت دے کہ:
  • نماز میں صف کے اندر باادب کھڑا ہونا چاہیے۔
  • نماز کے دوران ادھر اُدھر نہیں دیکھنا چاہیے۔
• اگر تربیت دینے کے باوجود بچہ نماز کے دوران ادھر اُدھر دیکھتا ہے:
  • تو صرف اس کے ادھر اُدھر دیکھنے سے صف میں کوئی شرعی فرق یا خرابی واقع نہیں ہوتی۔
• البتہ اگر:
  • وہ بچہ صف سے بالکل نکل جائے اور صف کا حصہ نہ رہے،
  • تو پھر دوسرے نمازی آگے بڑھ کر صف کو درست کر لیں۔
  • جیسے کہ اگر کوئی بالغ نمازی کا وضوء ٹوٹ جائے اور وہ صف سے نکل جائے، تو دیگر نمازی صف کو مکمل کر لیتے ہیں، اسی طرح بچے کے معاملے میں بھی کیا جائے گا۔

ھذا ما عندي والله أعلم بالصواب