سوال :

نماز وتر کا کیا حکم ہے؟

جواب :

اہل علم کا اجماع ہے کہ وتر سنت مؤکدہ ہے، اسے واجب کہنا درست نہیں۔
❀ سید نا علی رضی اللہ عنہ فرماتے ہیں :
إن الوتر ليس بحثم كالصلاة، ولكنه سنة، فلا تدعوه .
”وتر فرض نہیں ، بلکہ سنت ہے، البتہ آپ اسے چھوڑیے گا نہیں۔“
(مسند الإمام أحمد : 107/1 ، سنن الدارمي : 1620 ، واللفظ له، وسنده حسن)
❀ حافظ بوصیری رحمہ اللہ نے اس کی سند ”صحیح“ قرار دی ہے۔
(اتحاف الخيرة المهرة : 1732)
❀ قاضی عیاض رحمہ اللہ(544ھ) فرماتے ہیں:
الوتر عندنا سنة مؤكدة غير واجبة وهو قول كافة العلماء والسلف.
”ہمارے مطابق نماز وتر سنت مؤکدہ ہے، واجب نہیں۔ تمام علم اور سلف کا بھی یہی مذہب ہے۔“
(إكمال المعلم : 91/3)