سوال

کیا نماز میں کندھوں تک ہاتھ اٹھانا نبی اکرم ﷺ سے ثابت ہے؟

جواب

الحمد لله، والصلاة والسلام علىٰ رسول الله، أما بعد!

نماز میں کندھوں تک ہاتھ اٹھانا نبی اکرم ﷺ سے ثابت ہے، جیسا کہ حضرت عبداللہ بن عمر رضی اللہ عنہما کی روایت میں موجود ہے:

((قَالَ: ” رَأَيْتُ رَسُولَ اللَّهِ صَلَّى اللهُ عَلَيْهِ وَسَلَّمَ إِذَا قَامَ فِي الصَّلاَةِ رَفَعَ يَدَيْهِ حَتَّى يَكُونَا حَذْوَ مَنْكِبَيْهِ، وَكَانَ يَفْعَلُ ذَلِكَ حِينَ يُكَبِّرُ لِلرُّكُوعِ، وَيَفْعَلُ ذَلِكَ إِذَا رَفَعَ رَأْسَهُ مِنَ الرُّكُوعِ، وَيَقُولُ: سَمِعَ اللَّهُ لِمَنْ حَمِدَهُ، وَلاَ يَفْعَلُ ذَلِكَ فِي السُّجُودِ))
(بخاری: ج۱ ص۱۰۲)

یعنی:
حضرت عبداللہ بن عمر رضی اللہ عنہما فرماتے ہیں:
"میں نے رسول اللہ ﷺ کو دیکھا کہ جب آپ نماز کے لیے کھڑے ہوتے تو اپنے ہاتھوں کو کندھوں تک بلند کرتے۔ اسی طرح جب رکوع کے لیے جاتے تو ہاتھ بلند کرتے، اور جب رکوع سے سر اٹھاتے تو بھی ہاتھ بلند کرتے اور یہ دعا پڑھتے: سَمِعَ اللَّهُ لِمَنْ حَمِدَهُ۔ لیکن سجدوں میں آپ ﷺ رفع الیدین نہیں کرتے تھے۔”

اسی طرح بخاری کی ایک اور روایت سے یہ بھی ثابت ہے کہ آپ ﷺ دو رکعتوں سے کھڑے ہوتے وقت بھی رفع الیدین کرتے تھے۔

ھذا ما عندي والله أعلم بالصواب