حالتِ سجدہ میں بہت زیادہ پھیلنے کا حکم

سوال:

کیا حالتِ سجدہ میں بہت زیادہ پھیل جانا جائز ہے؟

جواب:

الحمد لله، والصلاة والسلام علىٰ رسول الله، أما بعد!

حالتِ سجدہ میں بہت زیادہ جسم کو پھیلانا خلاف سنت عمل ہے۔ نبی کریم صلی اللہ علیہ وسلم کی نماز کے طریقے کو بیان کرنے والے صحابہ کرام رضی اللہ عنہم میں سے کسی نے بھی یہ نہیں بتایا کہ رسول اللہ صلی اللہ علیہ وسلم سجدے کی حالت میں اپنی پیٹھ کو پھیلایا کرتے تھے۔ البتہ رکوع کے متعلق صحابہ نے بیان کیا ہے کہ آپ صلی اللہ علیہ وسلم اپنی پیٹھ کو سیدھا رکھتے تھے اور اُسے لمبا کرتے تھے۔

سجدے کی حالت میں سنت طریقہ یہ ہے کہ انسان اپنا پیٹ اپنی رانوں سے اوپر رکھے، یعنی جسم کو سمیٹا ہوا رکھے، نہ کہ اسے زیادہ پھیلائے۔ جیسا کہ بعض لوگ سجدہ کرتے وقت اپنی باڈی کو بہت زیادہ پھیلا دیتے ہیں، یہ سنت کے خلاف ہے۔

ھذا ما عندي والله أعلم بالصواب