نمازِ جنازہ میں تاخیر سے شامل ہونے والے شخص کا حکم

سوال:

اگر نمازِ جنازہ شروع ہوچکی ہو اور ایک یا دو تکبیریں ہو چکی ہوں، تب ایک شخص تاخیر سے آ کر شامل ہو، تو امام کے سلام پھیرنے کے بعد وہ شخص کیا کرے؟

جواب

الحمد لله، والصلاة والسلام علىٰ رسول الله، أما بعد!

نمازِ جنازہ میں تاخیر سے شامل ہونے والے شخص کے لیے شرعی حکم یہ ہے:

✿ جو تکبیریں امام کے ساتھ پا لے، وہ امام کے ساتھ ہی ادا کرے۔

✿ جب امام سلام پھیر دے تو وہ اپنی باقی رہ جانے والی تکبیریں مکمل کرے۔

✿ سلام اس وقت تک پھیر دے جب تک جنازہ اٹھایا نہ گیا ہو۔

یعنی تاخیر سے شامل ہونے والے شخص کو چاہیے کہ امام کے ساتھ جتنی تکبیریں پڑھنے کا موقع مل جائے، وہ امام کے ساتھ ادا کرے، اور پھر امام کے سلام پھیرنے کے بعد جو تکبیریں رہ گئی ہوں، وہ انہیں مکمل کرے۔ تاہم، ضروری ہے کہ یہ سب کچھ جنازے کے اٹھنے سے پہلے کر لے۔

فتویٰ:

سعودی عرب کی "اللجنة الدائمة للإفتاء” کا بھی یہی موقف ہے:

اللجنة الدائمة للإفتاء (8/399)

ھذا ما عندي واللہ أعلم بالصواب