ماخوذ: فتاوی امن پوری از شیخ غلام مصطفی ظہیر امن پوری
سوال :
کیا نماز ترک کرنے پر حاکم وقت سزا دے سکتا ہے؟
جواب:
حاکم وقت پر ضروری ہے کہ رعایا کو فرائض و واجبات کا پابند بنائے اور اس کے لیے ہر ممکن کوشش کرے۔ اگر تنبیہ کے باوجود کوئی فرض نماز ترک کرے، تو اسے سزا دے اور فرض نماز کے منکر سے قتال کرے۔
❀ شیخ الاسلام ابن تیمیہ رحمہ اللہ (728ھ) فرماتے ہیں:
الواجب على ولي الأمر أن يأمر بالصلوات المكتوبات جميع من يقدر على أمره ويعاقب التارك بإجماع المسلمين.
”حاکم وقت پر واجب ہے کہ وہ اپنے زیر ولایت تمام افراد کو فرض نمازوں کا حکم دے اور ترک کرنے والے کو سزا دے،اس پر مسلمانوں کا اجماع ہے۔“
(مجموع الفتاوى : 307/28)