نماز اور داڑھی رکھنے کے فرض میں فرق – شرعی وضاحت

سوال

آپ نے ایک تحریر میں لکھا تھا کہ داڑھی رکھنا فرض ہے، اس بات سے مجھے کوئی اختلاف نہیں۔ تاہم، ایک عالم نے سوال کیا ہے کہ نماز پڑھنا بھی فرض ہے اور داڑھی رکھنا بھی فرض ہے۔ تو کیا ان دونوں فرضوں میں کوئی فرق ہے یا نہیں؟ براہ کرم دونوں کو الگ الگ وضاحت کے ساتھ بیان کریں تاکہ مسئلہ واضح ہو سکے۔

جواب

الحمد لله، والصلاة والسلام علىٰ رسول الله، أما بعد!

داڑھی رکھنا

داڑھی رکھنا فرض ہے۔ جو شخص اپنی یا کسی کی داڑھی منڈوانے یا کٹوانے پر خوش ہو اور دل میں اسے برا نہ سمجھے، تو وہ ایمان سے خارج ہو جاتا ہے، کیونکہ اس کے دل میں
اَضْعَفُ الْاِیْمَانِ
(ایمان کا سب سے کم درجہ) بھی باقی نہیں رہتا۔

نماز

نماز اسلام کے ارکان میں شامل ہے۔ اس کا تارک (چھوڑنے والا) مومن نہیں رہتا، جیسا کہ حدیث میں فرمایا گیا:

{بَیْنَ الْعَبْدِ وَالْکُفْرِ تَرْکُ الصَّلاَۃِ}
(۹/۸/۱۴۰۵هـ)