یہ اقتباس شیخ مبشر احمد ربانی کی کتاب احکام و مسائل کتاب و سنت کی روشنی میں سے ماخوذ ہے۔
فرضی روزوں کی قضا اور نفلی روزے
سوال : جس شخص کے ذمے رمضان کے روزوں کی قضا ہو اس کے لیے نفلی روزے مثلاً : شوال کے چھ روزے، عشرہ ذی الحجہ کے روزے اور عاشورہ کا روزہ رکھنا کیسا ہے؟
جواب : جس کے ذمہ رمضان کے روزوں کی قضا ہو علماء کے صحیح ترین قول کے مطابق نفلی روزوں سے پہلے اس پر رمضان کے روزوں کی قضا واجب ہے، کیونکہ فرائض نوافل سے اہم ہیں۔ [مجموع فتاويٰ لابن باز 392/15]