سوال
اہل بیت کون ہیں؟
نبی کریم صلی اللہ علیہ وسلم کے اہل بیت میں کون کون شامل ہیں؟ رافضی حضرات صرف سیدنا علی رضی اللہ عنہ اور ان کے اہل خانہ کو ہی اہل بیت شمار کرتے ہیں، اور وہ اس موقف کے ثبوت میں آیتِ مباہلہ پیش کرتے ہیں۔ ان کے مطابق جب اللہ تعالیٰ نے نبی کریم صلی اللہ علیہ وسلم کو نصاریٰ کے ساتھ مباہلہ کے لئے اپنے اہل بیت کو ساتھ لانے کا حکم دیا، تو آپ صلی اللہ علیہ وسلم صرف سیدنا علی رضی اللہ عنہ، سیدہ فاطمہ رضی اللہ عنہا، اور حسنین کریمین رضی اللہ عنہم کو لے کر آئے۔
جواب
الحمد لله، والصلاة والسلام علىٰ رسول الله، أما بعد!
اہل بیت کی تعریف صرف سیدنا علی رضی اللہ عنہ اور ان کے اہل خانہ تک محدود نہیں ہے۔
- ❀ اہل بیت میں نبی کریم صلی اللہ علیہ وسلم کی ازواج مطہرات (بیویاں) شامل ہیں۔
- ❀ اسی طرح آپ صلی اللہ علیہ وسلم کی بیٹیاں،
- ❀ آپ کے نواسے اور نواسیاں،
- ❀ اور سیدنا علی رضی اللہ عنہ بھی ان میں شامل ہیں۔
نبی کریم صلی اللہ علیہ وسلم نے خود سیدنا علی رضی اللہ عنہ کو اہل بیت میں شامل فرمایا ہے، لیکن اس کا مطلب یہ نہیں کہ باقی اہل خانہ جیسے ازواج مطہرات اس میں شامل نہیں۔
ھذا ما عندي والله أعلم بالصواب