نئی مسجد کو جامع مسجد قرار دینے کا حکم

سوال

ایک مسجد میں مدت سے جمعہ ہو رہا ہے، کچھ لوگ تھوڑی دور الگ مسجد بنا کر اسے جامع مسجد قرار دینے کا مطالبہ کرتے ہیں۔ کیا یہ درست ہے؟

الجواب

اگر اس میں انتقال جمعہ میں کوئی فساد یا ضد نہیں ہے تو دوستوں کو باہمی طور پر فیصلہ کر لینا چاہیے صرف ضد یا تعصب کی آڑ میں یہ مطالبہ نہیں کرنا چاہیے، پہلی مسجد اگر چھوٹی یا آبادی سے دور ہے اور نئی مسجد بڑی ہے۔ تو اس کی سہولتوں سے فائدہ اٹھانے میں کوئی ہرج نہیں، جمعہ کی تبدیلی اجتماع کی ضروریات کے مطابق ادھر ادھر کی جا سکتی ہے۔ (اہل حدیث سوہدرہ جلد نمبر ۱۳ ش نمبر ۸)