منکر قرآن کا حکم احادیث کی روشنی میں

سوال:

منکر قرآن کا کیا حکم ہے؟

جواب:

قرآن اللہ تعالیٰ کی منزل کتاب ہے۔ جو جبریل کے ذریعہ محمد کریم صلی اللہ علیہ وسلم پر نازل ہوئی۔ یہ اول تا آخر متواتر منقول ہے، ہر دور کے مسلمان اسے سینوں میں محفوظ کرتے آئے ہیں۔ قرآن کے کلام اللہ ہونے کا انکار کرنا کفر ہے۔
❀ علامہ سجزی رحمہ اللہ (444ھ) فرماتے ہیں:
منكر القرآن العربي وأنه كلام الله كافر بإجماع الفقهاء
عربی قرآن اور اس کے کلام اللہ ہونے کا انکار کرنے والا کافر ہے، اس پر فقہا کا اجماع ہے۔
(رسالة السجزي، ص 155)
❀ ابوسعید خلف بن عمر مالکی رحمہ اللہ (371ھ) فرماتے ہیں:
من رد حرفا منه، فقد كفر بإجماع
جس نے قرآن کے ایک لفظ کا انکار کیا، وہ بالا جماع کافر ہے۔
(ترتيب المدارك للقاضي عياض: 6/212)