سوال:

اگر اللہ سے ہر وقت نماز میں اور عبادت میں کچھ مانگا جا رہا ہو، خاص طور پر کسی انسان کا ساتھ، اور اس میں مشکل آ جائے، تو بندے کو کیا کرنا چاہیے؟ کیونکہ وہ اللہ پر بھروسہ رکھتا ہے اور یقین کے ساتھ اسی سے مانگتا ہے۔ ایسا کون سا عمل ہے جسے کرنے سے وہ انسان اس کی قسمت میں لکھا جائے؟ برائے مہربانی جواب دیں اور میری مدد کریں۔

الجواب:

اللہ تعالی سے کچھ مانگنے کا بہترین ذریعہ دعا ہے، کیونکہ دعا تقدیر کو بھی بدل دیتی ہے۔

مشکلات کا سامنا کرنے کا طریقہ:

مشکلات کو دور کرنے کا بہترین ذریعہ نماز ہے۔ اللہ تعالی کا ارشاد ہے:

﴿واستعينوا بالصبر والصلاة﴾
"تم نماز اور صبر کے ذریعے مدد حاصل کرو”

لہذا اگر آپ کسی انسان کا ساتھ اللہ سے طلب کر رہے ہیں تو کثرت سے نماز پڑھ کر اللہ سے دعائیں کریں۔ یہ رحمتِ الہی کے نزول کا بہترین طریقہ ہے۔

جب دعائیں قبول نہ ہوں تو:

اگر آپ محسوس کرتے ہیں کہ آپ کی دعائیں قبول نہیں ہو رہیں، تو اس صورت میں اللہ کی رضا پر صبر و شکر کا رویہ اختیار کریں۔ یاد رکھیں کہ دعا کی قبولیت کی تین صورتیں ہیں:

➊ اللہ تعالی مانگی ہوئی دعا کو بعینہ پوری کردے۔
➋ یا اس دعا کے بدلے میں کوئی مصیبت دور کر دے۔
➌ یا اس دعا کو آخرت کے لیے ذخیرہ بنا دے، اور یہ قبولیت دعا کی سب سے بہترین صورت ہے۔

یہ جانتے ہوئے کہ اللہ کی حکمت میں بہتری ہوتی ہے، دعا کے ساتھ صبر اور یقین کو ہمیشہ مضبوط رکھیں۔