مشترکہ جائیداد کی تقسیم کا شرعی حکم

سوال

کیا فرماتے ہیں علمائے کرام اس مسئلہ کے بارے میں کہ بنام محمد صدیق اور محمد الیاس دونوں بھائیوں نے مل کر کچھ ملکیت بنائی۔ اس مشترکہ ملکیت سے کچھ مزید ملکیت وجود میں آئی ہے۔ اب جس کے پاس جو ملکیت ہے وہ کہتا ہے کہ یہ میری ہے۔ شریعت کے مطابق وضاحت فرمائیں کہ کیا یہ تقسیم درست ہے یا نہیں؟

جواب

الحمد لله، والصلاة والسلام علىٰ رسول الله، أما بعد!

یہ بات سمجھنی چاہیے کہ یہ تمام ملکیت دونوں بھائیوں کی مشترکہ ملکیت ہے۔ لہٰذا اس پوری ملکیت خواہ منقولہ ہو یا غیر منقولہ، اس کو دو حصوں میں تقسیم کیا جائے گا اور ہر ایک بھائی کو ایک ایک حصہ دیا جائے گا۔

ھذا ما عندی واللہ اعلم بالصواب