مسند حمیدی اور رفع یدین سے متعلق روایت کا تحقیقی جائزہ

سوال:

مسند الحمیدی (نسخہ دیوبندیہ تحقیقی الاعظمی) میں حضرت عبداللہ بن عمر رضی اللہ عنہ سے ترکِ رفع یدین کی جو روایت منسوب ہے، اور جسے بعض "محقق” قسم کے "علماء” رفع یدین کے خلاف دلیل کے طور پر پیش کرتے ہیں—مثلاً سرفراز خان صفدر صاحب دیوبندی (دیکھیے: خزائن السنن، جلد 2، صفحہ 99)۔

آپ نے اپنی تصنیف نور القمرین وغیرہ میں متعدد دلائل کے ذریعے یہ ثابت کیا ہے کہ نسخہ دیوبندیہ کی روایت محرف ہے اور صحیح روایت وہی ہے جوکہ نسخہ ظاہریہ وغیرہ میں موجود ہے، جس میں رفع یدین کا اثبات پایا جاتا ہے۔
جزاکم اللہ خیراً۔

سوال یہ ہے کہ:
کیا آپ کے علم میں یہی روایت حدیث کی کسی دوسری کتاب میں امام حمیدیؒ کی سند کے ساتھ موجود ہے؟

(ایک سائل)

الجواب :

الحمد لله، والصلاة والسلام علىٰ رسول الله، أما بعد!

جی ہاں، امام حمیدیؒ کی یہی روایت (جو رفع یدین کے اثبات پر دلالت کرتی ہے) حدیث کی ایک دوسری مستند کتاب میں بھی موجود ہے۔

یہ روایت حافظ ابو نعیم الصیہبانیؒ (متوفی 430ھ) کی کتاب "المسند المستخریج علی صحیح الامام مسلم” میں رفع یدین کے اثبات کے ساتھ منقول ہے۔

المسند المستخریج علی صحیح الامام مسلم، جلد: (بلا نمبر)، صفحہ 12، مطبوعہ عباس احمد الباز، مکہ المکرمہ

ھذا ما عندي واللہ أعلم بالصواب
الله تعالیٰ ہی بہتر جانتا ہے۔