مؤلف : ڈاکٹر محمد ضیاء الرحمٰن اعظمی رحمہ اللہ
کیا ثالث کا فیصلہ قبول کرنا واجب ہے؟
سوال: کیا مسلمان کو مسلمانوں کے درمیان طلاق، خلع یا امور تجارت جیسے اختلافی امور میں ثالث بنایا جاسکتا ہے اور فیصلہ کروانے والوں پر اس کا فیصلہ لازم اور واجب تنفیذ ہو جائے گا؟
جواب: اگر تو یہ ثالثی اصلاح اور مصالحت کی غرض سے ہو تو پھر اس پر راضی رہنا اور اس کا پابند ہونا مستحب ہے، کیونکہ یہ دلوں کو کینے، بغض، حسد اور انتقام سے پاک کرنے کا سبب ہے۔ اور اگر یہ تحکیم اور ثالثی عدالتی فیصلے کی قبیل سے ہو اور ثالث اپنے علم اور بصیرت کی بنا پر فیصلہ کرنے کی صلاحیت رکھتا ہو تو پھر فیصلہ دونوں اطراف پر لازم ہو جائے گا جسے نافذ کرنا واجب ہوگا۔
[اللجنة الدائمة: 19504]