لے پالک کے رضاعی ہونے پر اس کی مطلقہ سے نکاح کا حکم؟

سوال:

زید کے لے پالک بچے نے اس کی بیوی کا دودھ پیا، کیا زید کا نکاح لے پالک کی مطلقہ سے جائز ہے یا نہیں؟

جواب:

جب لے پالک نے زید کی بیوی کا دودھ پیا، تو وہ زید کا رضاعی بیٹا بن گیا، اب جس طرح نسبی بیٹے کی منکوحہ سے باپ کا نکاح جائز نہیں، اسی طرح رضاعی بیٹے کی منکوحہ سے رضاعی باپ کا نکاح جائز نہیں۔
وَحَلَائِلُ أَبْنَائِكُمْ
(النساء: 23)
اور تمہارے بیٹوں کی منکوحات کو (بھی تم پر حرام کر دیا گیا ہے)۔
یہاں نسبی بیٹوں کی طرح رضاعی بیٹوں کی منکوحات بھی مراد ہیں۔