لڑکی کے والد کی اجازت کے بغیر نکاح اور شرعی حکم

سوال

کیا فرماتے ہیں علمائے کرام اس مسئلے کے بارے میں کہ ایک لڑکی بنام عبدالرحیم کے ساتھ فرار ہوگئی۔ اس معاملے میں لڑکی کی والدہ بھی راضی تھی اور اسی نے اپنی رضا مندی سے لڑکی کو عبدالرحیم کے ساتھ بھیجا۔ عبدالرحیم نے اس لڑکی سے نکاح کیا اور پھر عدالت میں جاکر اس کا بیان بھی دلوایا۔ اب جب لڑکی دوبارہ ملی ہے تو وہ حاملہ ہے۔ شرعِ محمدی کے مطابق اس لڑکی پر کیا سزا عائد ہوگی؟

جواب

الحمد لله، والصلاة والسلام علىٰ رسول الله، أما بعد!

مذکورہ مسئلے میں یہ بات جان لینی چاہئے کہ اس نکاح کا جواز ثابت نہیں ہوتا اگرچہ لڑکی کی والدہ بھی اس میں شریک اور راضی ہو۔ اس کی وجہ یہ ہے کہ ولایت کا حق والد کو حاصل ہے، اور یہاں پر والد موجود ہے۔ جیسا کہ حدیث میں آیا ہے:

((لانكاح إلابولى.))

اور دوسری حدیث میں فرمایا گیا:

((أيماإمرأة نكحت بغيرإذن وليها فنكاحها باطل فنكاحها باطل فنكاحها باطل.))
مسند احمد، وابن ماجه: كتاب النكاح، باب لانكاح إلابولى

لہٰذا عبدالرحیم کا یہ نکاح شرعاً باطل ہے۔ اس صورت میں عبدالرحیم نے زنا کیا ہے اور اس پر زنا کی حد عائد ہوگی۔ اسی طرح اس کے مطابق زنا کی سزا دی جائے گی۔

ھذا ما عندی واللہ اعلم بالصواب۔