سوال :

چیز کی قیمت بتانے کا زیادہ حق کسے ہے، بیچنے والے کو یا خریدار کو؟

جواب :

کسی چیز کی قیمت بتانے کا زیادہ حق بیچنے والے کو حاصل ہے، کیونکہ وہ چیز اس کی ملکیت ہے۔
❀ علامہ ابن بطال رحمہ اللہ (449ھ) فرماتے ہیں:
لا خلاف بين الأمة أن صاحب السلعة أحق الناس بالسوم فى سلعته، وأولى بطلب الثمن فيها .
”اس میں اُمت کا کوئی اختلاف نہیں کہ سامان کا مالک اپنے مال کی قیمت بتانے اور قیمت مانگنے کا زیادہ حق دار ہے۔“
(شرح صحيح البخاري : 235/6)
❀ امام احمد بن حنبل رحمہ اللہ کا یہی فتویٰ ہے۔
(مسائل الإمام أحمد برواية ابن أبي حرب الجرجرائي، ص 56)