قصر نماز کی ابتدا کا مسافت میں معیار – حدیث کی روشنی میں

سوال

سفر کی قصر کہاں سے شروع ہوتی ہے؟
فتاویٰ ثنائیہ میں اس کا آغاز کم از کم ۴۸ میل سے بتایا گیا ہے، لیکن بعض احادیث میں تین فرسخ کا ذکر آتا ہے (مشکوٰۃ وغیرہ)۔

جواب

الحمد لله، والصلاة والسلام علىٰ رسول الله، أما بعد!

• ۴۸ میل کی کوئی روایت رسول اللہ ﷺ سے ثابت نہیں ہے۔
• جبکہ تین فرسخ والی حدیث صحیح مسلم میں موجود اور ثابت شدہ ہے۔

حدیث مبارکہ:

«کَانَ رَسُوْلُ اﷲِ ﷺ اِذَا خَرَجَ مَسِيْرَةَ ثَلاَثَةِ اَمْيَالٍ اَوْ ثَلاَثَةِ فَرَاسِخَ شُعْبَةُ الشَّاکُّ صَلّٰی رَکْعَتَيْنَ»
(كتاب صلاة المسافرين باب صلاة المسافرين وقصرها، صحيح مسلم)

ترجمہ:
جب رسول اللہ ﷺ تین میل یا تین فرسخ کے فاصلے پر سفر فرماتے (شعبہ کو اس بات میں شک ہے کہ میل یا فرسخ کہا)، تو آپ دو رکعت نماز پڑھتے۔

ھذا ما عندي والله أعلم بالصواب