سوال

قرآن کریم کی تلاوت کے دوران بیک گراؤنڈ میں دیگر مناظر دکھانے کا کیا حکم ہے؟

جواب از فضیلۃ العالم حافظ خضر حیات حفظہ اللہ

قرآن کریم کی تلاوت کے دوران بیک گراؤنڈ میں مناظر دکھانے کے حوالے سے درج ذیل نکات اہم ہیں:

1. اگر یہ مناظر قرآن کریم سے توجہ ہٹانے کا سبب بنیں:

ایسی صورت میں یہ عمل درست نہیں ہے۔
یہ ممکن ہے کہ یہ عمل قرآن کریم سے اعراض کے زمرے میں آ جائے، جو کہ نا مناسب ہے۔

2. اگر یہ مناظر قرآن کریم میں توجہ بڑھانے کا سبب بنیں:

اگر بیک گراؤنڈ میں قدرتی مناظر، رنگین مناظر یا دیگر ایسے مناظر ہوں جو قرآن کریم کی آیات پر توجہ مرکوز رکھنے میں معاون ثابت ہوں، تو اس میں کوئی حرج نہیں۔
شرط یہ ہے کہ ان مناظر سے قرآن کریم کی تلاوت میں مداخلت یا خلل پیدا نہ ہو۔

واللہ اعلم