سوال:

بیوی قادیانی ہوگئی اور قادیانی سے شادی کی، جس سے لڑکی پیدا ہوئی، کیا پہلا شوہر اس لڑکی سے نکاح کر سکتا ہے؟

جواب:

اس لڑکی سے نکاح نہیں ہو سکتا۔
وربائبكم اللاتي في حجوركم من نسائكم اللاتي دخلتم بهن فان لم تكونوا دخلتم بهن فلا جناح عليكم
(النساء: 23)
تمہاری پرورش میں موجود وہ لڑکیاں بھی تم پر حرام ہیں، جو تمہاری ان بیویوں کی سابقہ شوہروں سے ہیں، جن سے تم دخول کر چکے ہو۔ اگر تم نے ان سے دخول نہیں کیا، تو تم پر کوئی حرج نہیں کہ تم اپنی بیویوں کی سابقہ لڑکیوں سے نکاح کرلو۔
جس منکوحہ سے خلوت اختیار کر لی گئی ہے، اس کی کسی اولاد سے نکاح نہیں ہو سکتا۔ گو کہ بیوی اسلام سے مرتد ہو کر قادیانی ہو چکی ہے، مگر اس سے خلوت اختیار ہو چکنے کی وجہ سے اس کی تمام اولاد سابقہ شوہر پر حرام ہو چکی ہے۔