فرض، شرط اور سنت کا فرق: تفصیلی وضاحت

سوال

فرائض، شرائط اور سنن میں کیا فرق ہے؟

جواب

الحمد لله، والصلاة والسلام علىٰ رسول الله، أما بعد!

(۱) فرض کا معنی

فَالْوَاجِبُ فِی الْاِصْطِلاَحِ مَا یُمْدَحُ فَاعِلُہُ وَیُذَمُّ تَارِکُہُ عَلٰی بَعْضِ الْوُجُوْہِ وَیُرَادِفُہُ الْفَرْضُ عِنْدَ الْجُمْہُوْرِ انتہی مقتصراً (ارشاد الفحول الفصل الثانی فی الاحکام)

• واجب کی اصطلاحی تعریف یہ ہے کہ:
  • اسے کرنے والا ممدوح (یعنی ثواب پانے والا) ہو۔
  • اسے چھوڑنے والا بعض صورتوں میں مذموم (یعنی گناہ پانے والا) ہو۔
• جمہور علماء کے نزدیک فرض اور واجب ہم معنی اور مترادف ہیں۔

(۲) شرط کا معنی

وَحَقِیْقَةُ الشَّرْطِ ہُوَ مَا کَانَ عَدَمُہُ یَسْتَلْزِمُ عَدَمَ الْحُکْمِ (ارشاد الفحول الفصل الثانی فی الاحکام)

• شرط وہ چیز ہے کہ جس کے نہ ہونے سے حکم کا بھی نہ ہونا لازم آتا ہے۔
• یعنی اگر شرط موجود نہ ہو تو متعلقہ حکم بھی معتبر نہیں ہوگا۔

(۳) سنت کا معنی

وَالْمَنْدُوْبُ مَا یُمْدَحُ فَاعِلُہُ وَلاَ یُذَمُّ تَارِکُہُ ، وَیُقَالُ لَہُ : مُرَغَّبٌ فِیْہِ وَمُسْتَحَبٌ وَنَفْلٌ وَتَطَوُّعٌ وَاِحْسَانٌ وَّسُنَّةٌَ ۔ انتہی مقتصرا (ارشاد الفحول)

• مندوب کی تعریف یہ ہے کہ:
  • اسے کرنے والا ممدوح (یعنی ثواب پانے والا) ہے۔
  • اسے چھوڑنے والا مذموم نہیں (یعنی گناہگار نہیں ہوتا)۔
• اس مندوب کو مختلف ناموں سے بھی پکارا جاتا ہے:
  • مرغب فیہ
  • مستحب
  • نفل
  • تطوع
  • احسان
  • سنت

خلاصہ

فرض، شرط اور سنت کے مذکورہ بالا معانی سے ان تینوں کے درمیان فرق واضح ہو جاتا ہے۔

ھذا ما عندي والله أعلم بالصواب