سوال

اگر کوئی عیسائی اسلام کی دعوت قبول کرتا ہے تو اس کو اسلام میں کیسے داخل کیا جائے گا؟

جواب

عیسائی کو اسلام میں داخل کرنے کا عمل درج ذیل طریقے سے انجام دیا جا سکتا ہے:

◄ گواہوں کی موجودگی: کچھ ایسے ساتھی موجود ہوں جو آپ کے جان پہچان والے ہوں اور وہ عیسائی شخص بھی ان میں سے کچھ کو جانتا ہو۔ یا یہ عمل کسی بڑے شیخ کے سامنے ہو تاکہ سب کو یقین ہو کہ اس پر کوئی جبر نہیں ہے۔

◄ اظہارِ رضا: وہ شخص کھلے طور پر یہ اعلان کرے کہ وہ اپنی مرضی سے، بغیر کسی دباؤ کے اسلام قبول کر رہا ہے۔ جیسا کہ ڈاکٹر ذاکر نائیک حفظہ اللہ بھی یہی طریقہ اپناتے ہیں۔

◄ غسل: اسلام میں داخل ہونے سے پہلے غسل کرنے کی تجویز دی جا سکتی ہے، اگرچہ یہ لازم نہیں ہے۔

◄ کلمہ طیبہ: اس کے بعد اسے کلمہ پڑھایا جائے:
"اشهد أن لا اله الا الله و أشهد أن محمداً رسول الله”
"میں گواہی دیتا ہوں کہ اللہ کے سوا کوئی معبود نہیں اور میں گواہی دیتا ہوں کہ محمد صلی اللہ علیہ وسلم اللہ کے رسول ہیں۔”
◄ ابتدائی احکام کی تعلیم: اگر مناسب سمجھا جائے تو اسلام کے ابتدائی احکام بھی سکھائے جا سکتے ہیں تاکہ وہ دین کی بنیادوں کو سمجھ سکے۔