عید کی تکبیریں کس وقت سے شروع کی جائیں اور ان کے الفاظ کیا ہیں؟

سوال:

عید کی تکبیریں کس وقت سے شروع کی جائیں؟ نیز، ان تکبیروں کے الفاظ کیا ہیں؟

جواب:

الحمد لله، والصلاة والسلام علىٰ رسول الله، أما بعد!

عید الفطر کے موقع پر تکبیریں پڑھنے کا وقت رمضان کے آخری دن غروب آفتاب کے بعد سے شروع ہوتا ہے، اور یہ نماز عید کے لیے امام کے آنے تک جاری رہتی ہیں۔

تکبیرات کے الفاظ:

تکبیرات عید کے کئی الفاظ منقول ہیں، ان میں سے چند درج ذیل ہیں:

پہلا صیغہ:

اَللّٰهُ اَکْبَرُ، اَللّٰهُ اَکْبَرُ، وَاللّٰهُ اَکْبَرُ، اَللّٰهُ اَکْبَرُ وَلِلّٰهِ الْحَمْدُ

(المصنف، لابن ابی شيبة: ۱/ ۴۹۰، ح:۵۶۵۲)

دوسرا صیغہ:

اَللّٰهُ اَکْبَرُ، اَللّٰهُ اَکْبَرُ، اَللّٰهُ اَکْبَرُ، لَا اِلٰهَ اِلاَّ اللّٰهُ، وَاَللّٰهُ اَکْبَرُ، اَللّٰهُ اَکْبَرُ، وَلِلّٰهِ الْحَمْدُ

(المصنف، لابن ابی شيبة: ۱/ ۴۹۰، ح:۵۶۵۲)

تکبیر کی تکرار:

◈ تکبیر کے الفاظ کو دو بار یا تین بار کہنا، دونوں طریقے جائز ہیں۔
◈ یہ ایک اسلامی شعار ہے، جس کا اظہار نمایاں طور پر ہونا چاہیے۔

مرد و عورت کے لیے ہدایات:

◈ مردوں کو چاہیے کہ وہ ان تکبیروں کو بلند آواز سے کہیں، خواہ وہ:

• بازار میں ہوں
• مسجد میں ہوں
• یا گھروں میں ہوں

◈ عورتوں کے لیے بہتر یہ ہے کہ وہ آہستہ آواز میں تکبیریں کہیں۔

ھذا ما عندي والله أعلم بالصواب