عورت اور اس كي پھوپی يا اس كي خالہ کو بیک وقت نكاح ميں ركھنا جائز نهيں

عورت اور اس كي پھوپی يا اس كي خالہ کو بیک وقت نكاح ميں ركهنا جائز نهيں
➊ حضرت ابو ہریرہ رضی اللہ عنہ سے مروی ہے کہ رسول اللہ صلی اللہ علیہ وسلم نے فرمایا:
لا يجمع بين المرأة وعمتها ولا بين المرأة و خالتها
”ایک مرد کے نکاح میں پھوپھی اور بھتیجی اور خالہ اور بھانجی کو جمع نہ کیا جائے ۔“
[بخاري: 5109 ، كتاب النكاح: باب لا تنكح المرأة على عمتها ، مسلم: 1408 ، أحمد: 465/2 ، سعيد بن منصور: 209/1 ، مسند شافعي: 18/2 ، عبد الرزاق: 10753]
➋ ایک روایت میں یہ لفظ ہیں:
نهي رسول الله صلى الله عليه وسلم أن تنكح المرأة على عمتها أو خالتها
[بخاري: 5108 أيضا ، ابو داود: 2065 ، ترمذي: 1126 ، دارمي: 136/2 ، ابن أبى شيبة: 246/4 ، ابن الجارود: 685 ، نسائي: 98/6]
(شافعیؒ) مذکورہ رشتوں کو جمع کرنا حرام ہے۔
[معرفة السنن والآثار للبيهقى: 106/10]
(ابن عبد البرؒ ، نوویؒ) اس کی حرمت پر اجماع ہے۔
[التمهيد: 277/18 ، شرح مسلم: 207/5]
(ابن حزمؒ ، ابن منذرؒ ) انہوں نے بھی اس پر اجماع نقل کیا ہے ۔
[كما فى فتح البارى: 202/10 ، الإجماع لابن المنذر: ص/95]
(ترمذیؒ) عام اہل علم اسی پر ہیں اور ہمیں ان کے درمیان اس مسئلے میں کسی اختلاف کا علم نہیں ۔
[جامع ترمذي: بعد الحديث /1126]
(شوکانیؒ ، امیر صنعانیؒ ) مذکورہ رشتوں کو جمع کرنا حرام ہے۔
[نيل الأوطار: 228/4 ، سبل السلام: 1329/3]
(قرطبیؒ ، صدیق حسن خانؒ) اس کی حرمت پر اجماع ہے۔
[الروضة الندية: 50/2]