سوال

جو شخص عدم واقفیت کی وجہ سے طواف افاضہ ترک کر دے، اس کے لیے کیا لازم ہے؟

جواب

الحمد لله، والصلاة والسلام علىٰ رسول الله، أما بعد!

✿ طوافِ افاضہ حج کا ایک بنیادی رکن ہے اور اس کے بغیر حج مکمل نہیں ہوتا۔

✿ اگر کسی شخص نے لاعلمی یا عدم واقفیت کی وجہ سے طوافِ افاضہ ترک کر دیا ہو، تو اس پر لازم ہے کہ وہ واپس آ کر یہ طواف ادا کرے، خواہ اسے اپنے وطن ہی سے کیوں نہ واپس آنا پڑے۔

✿ جب تک وہ شخص طوافِ افاضہ ادا نہ کرے، اُس کے لیے اپنی بیوی سے جسمانی تعلق (مقاربت) جائز نہیں، کیونکہ وہ "تحلل ثانی” (دوسری مرتبہ حلال ہونا) حاصل نہیں کر سکا۔

✿ "تحلل ثانی” کا حصول صرف طوافِ افاضہ کی ادائیگی کے بعد ہوتا ہے۔

✿ مزید یہ کہ سعی (صفا اور مروہ کے درمیان چکر) بھی واجب ہے، بشرطیکہ اس نے طوافِ قدوم کے ساتھ سعی نہ کی ہو — یہ حکم ہر قسم کے حج پر لاگو ہوتا ہے، خواہ وہ حجِ تمتع ہو، حجِ قران ہو یا حجِ افراد۔

ھذا ما عندي والله أعلم بالصواب