یقینی طور پر، صدقہ دینے سے مال میں کمی نہیں ہوتی، بلکہ اللہ پاک اس میں برکت، رحمت اور اضافہ فرماتا ہے۔ یہ مال کی تعداد یا کیفیت کے لحاظ سے ہو سکتا ہے، جیسے رزق کے دروازے کھلنا یا مال میں برکت کا ہونا۔ یہ صرف زکوٰۃ جیسی فرض صدقات تک محدود نہیں، بلکہ مسکراہٹ بھی صدقہ ہے، اور صدقہ جاریہ (جیسے کنواں کھدوانا) میں بھی مرنے کے بعد ثواب ملتا ہے۔

صدقہ کی برکات

مال میں برکت: صدقہ دینے سے مال کم نہیں ہوتا، بلکہ اللہ تعالیٰ اس میں برکت ڈالتا ہے۔
گناہوں کی معافی: صدقہ گناہوں کو اس طرح مٹا دیتا ہے جیسے پانی آگ کو بجھا دیتا ہے۔

مشکلات کا خاتمہ: صدقہ دینے سے مصیبتیں اور مشکلات دور ہوتی ہیں۔

اللہ کی رضا: صدقہ کرنے سے اللہ کی رضا حاصل ہوتی ہے۔

بڑھتا ہے: صدقہ دینے سے مال کی زیادتی ہوتی ہے، یہ زیادتی رزق میں اضافے یا مال میں برکت کے ذریعے ہوتی ہے۔

صدقہ کی اقسام:

فرض صدقہ: جیسے زکوٰۃ جو صاحبِ نصاب پر فرض ہے۔

نفلی صدقہ: کسی کی مدد کرنا، مسکرانا وغیرہ۔

صدقہ جاریہ: وہ نیک عمل جس کا اجر مرنے کے بعد بھی جاری رہے، جیسے مدرسہ بنانا، کنواں کھدوانا وغیرہ

عام روزمرہ کی زندگی میں یہ چالیس صدقے بغیر اضافی خرچ کرنے سے انسان اجر و ثواب کا مستحق ہو جاتا ہے۔

1. دوسرے کو نقصان پہنچانے سے بچنا صدقہ ہے۔ [بخاری: 2518]

2. اندھے کو راستہ بتانا صدقہ ہے۔ [ابن حبان: 3368]

3. بہرے سے ذرا اونچی آواز میں بات کرنا صدقہ ہے۔ [ابن حبان: 3368]

4. گونگے کو اس طرح بتانا کہ وہ سمجھ سکے، صدقہ ہے۔ [ابن حبان: 3377]

5. کمزور آدمی کی مدد کرنا صدقہ ہے۔ [ابن حبان: 3377]

6. راستے سے پتھر، کانٹا اور ہڈی ہٹانا صدقہ ہے۔ [مسلم: 1007]

7. مدد کے لیے پکارنے والے کی دوڑ کر مدد کرنا صدقہ ہے۔ [ابن حبان: 3377]

8. اپنے ڈول (برتن) سے کسی بھائی کو پانی دینا صدقہ ہے۔ [ترمذی: 1956]

9. بھٹکے ہوئے شخص کو راستہ بتانا صدقہ ہے۔ [ترمذی: 1956]

10. لا الہ الا الله کہنا صدقہ ہے۔ [مسلم: 1007]

11. سبحان الله کہنا صدقہ ہے۔ [مسلم: 1007]

12. الحمدلله کہنا صدقہ ہے۔ [مسلم: 1007]

13. الله اکبر کہنا صدقہ ہے۔ [مسلم: 1007]

14. استغفرالله کہنا صدقہ ہے۔ [مسلم: 1007]

15. نیکی کا حکم دینا صدقہ ہے۔ [مسلم: 1007]

16. برائی سے روکنا صدقہ ہے۔ [مسلم: 1007]

17. ثواب کی نیت سے اپنے گھر والوں پر خرچ کرنا صدقہ ہے۔ [بخاری: 55]

18. دو لوگوں کے بیچ انصاف کرنا صدقہ ہے۔ [بخاری: 2518]

19. کسی آدمی کو سواری پر بٹھانا یا اس کا سامان اٹھا کر سواری پر رکھوانا صدقہ ہے ۔ [بخاری: 2518]

20. اچھی بات کہنا صدقہ ہے۔ [بخاری: 2589]

21. نماز کے لیے چل کر جانے والا ہر قدم صدقہ ہے۔ [بخاری: 2518]

22. راستے سے تکلیف دہ چیز ہٹانا صدقہ ہے۔ [بخاری: 2518]

23. خود کھانا صدقہ ہے۔ [نسائی – کبری: 9185]

24. اپنے بیٹے کو کھلانا صدقہ ہے۔ [نسائی – کبری: 9185]

25. اپنی بیوی کو کھلانا صدقہ ہے۔ [نسائی – کبری: 9185]

26. اپنے خادم کو کھلانا صدقہ ہے۔ [نسائی – کبری: 9185]

27. کسی مصیبت زدہ حاجت مند کی مدد کرنا صدقہ ہے۔ [نسائی: 253]

28. اپنے بھائی سے مسکرا کر ملنا صدقہ ہے۔ [ترمذی: 1963]

29. پانی کا ایک گھونٹ پلانا صدقہ ہے۔ [ابو یعلی: 2434]

30. اپنے بھائی کی مدد کرنا صدقہ ہے۔ [ابو یعلی: 2434]

31. ملنے والے کو سلام کرنا صدقہ ہے۔ [ابو داﺅد: 5243]

32. آپس میں صلح کروانا صدقہ ہے۔ [بخاری – تاریخ: 259/3]

33. تمہارے درخت یا فصل سے جو کچھ کھائے وہ تمہارے لیے صدقہ ہے۔ [مسلم: 1553]

34. بھوکے کو کھانا کھلانا صدقہ ہے۔ [بیہقی – شعب: 3367]

35. پانی پلانا صدقہ ہے۔ [بیہقی – شعب: 3368]

36. دو مرتبہ قرض دینا ایک مرتبہ صدقہ دینے کے برابر ہے۔ [ابن ماجہ: 3430]

37. کسی آدمی کو اپنی سواری پر بٹھا لینا صدقہ ہے۔ [مسلم: 1009]

38. گمراہی کی سر زمین پر کسی کو ہدایت دینا صدقہ ہے۔ [ترمذی: 1963]

39. ضرورت مند کے کام آنا صدقہ ہے۔ [ابن حبان: 3368]

40. علم سیکھ کر مسلمان بھائی کو سکھانا صدقہ ہے۔ [ابن ماجہ: 243]