شیطان کا انسان کو گمراہ اور رسوا کرنے کا کردار

سوال:

کیا شیطان انسان کو رسوا کرتا ہے ؟

جواب :

جی ہاں! اللہ تعالیٰ کا ارشاد گرانی ہے :
لَّقَدْ أَضَلَّنِي عَنِ الذِّكْرِ بَعْدَ إِذْ جَاءَنِي ۗ وَكَانَ الشَّيْطَانُ لِلْإِنسَانِ خَذُولًا ﴿٢٩﴾
” بے شک اس نے تو مجھے نصیحت سے گمراہ کر دیا، اس کے بعد کہ میرے پاس آئی اور شیطان ہمیشہ انسان کو چھوڑ جانے والاہے۔“ [الفرقان: 29]
یعنی قرآنی احکام کے مجھ تک پہنچنے کے بعد اس نے مجھے قرآن سے دور کر دیا۔ اللہ تعالیٰ نے فرمایا ہے:
وَكَانَ الشَّيْطَانُ لِلْإِنسَانِ خَذُولًا ﴿٢٩﴾ [الفرقان: ۲۹]
یعنی شیطان حق سے دور کرتا اور پھیرتا ہے اور انسان کو باطل کاموں میں استعمال کرتا اور باطل کاموں ہی کی طرف دعوت دیتا ہے۔