سوال

ایک مریض ہیں، انہیں ہر وقت پیشاب آتا رہتا ہے، اب وہ نماز کیسے پڑھے گا؟

جواب از فضیلۃ الشیخ سید کلیم حسین شاہ حفظہ اللہ، فضیلۃ الشیخ عبد الوکیل ناصر حفظہ اللہ

سلسلۃ البول والے شخص کا حکم مستحاضہ خاتون جیسا ہے، یعنی ہر نماز کے لیے نیا وضو کرے گا۔
(کما قال شیوخنا)

تفصیلی وضاحت

اس مریض کا حکم مستحاضہ جیسا ہے، لہٰذا ایک بار وضو کرکے مکمل نماز ادا کرے گا، اور اسی وضو میں فرض نماز کے علاوہ پہلی اور بعد کی سنتیں بھی ادا کرے گا۔
◈ ہر نئی نماز کے لیے نیا وضو کرے گا۔
◈ دورانِ نماز اگر پیشاب آجائے تو اس پر کوئی گناہ نہیں ہوگا کیونکہ وہ مجبور ہے، اور اس حالت میں اس کا حکم بدل چکا ہے۔

احتیاطی تدابیر

◈ پیشاب کے پھیلاؤ سے بچنے کے لیے زیر جامہ استعمال کرے تاکہ طہارت کا خیال رکھا جا سکے۔
◈ دوائی کا استعمال جاری رکھے اور روحانی علاج بھی کرے۔
◈ اللہ تعالیٰ نے چاہا تو ان شاءاللہ اس تکلیف سے آرام آ جائے گا۔