سوال

کیا ظہر کی نماز گرمیوں میں ٹھنڈی کر کے پڑھنے سے متعلق کوئی حدیث موجود ہے؟

جواب

جی ہاں، صحیح بخاری اور صحیح مسلم میں سخت گرمی میں ظہر کی نماز ٹھنڈی کرنے سے متعلق حدیث موجود ہے۔

رسول اللہ صلی اللہ علیہ وسلم نے فرمایا: "جب گرمی شدید ہو تو ظہر کی نماز ٹھنڈے وقت میں پڑھو”۔ اس کا مطلب یہ ہے کہ جب گرمی بہت زیادہ ہو تو سورج ڈھلتے ہی فوراً نماز نہ پڑھو، بلکہ تھوڑی دیر بعد نماز پڑھو تاکہ شدت کی گرمی کم ہو جائے۔
(بخاری، مواقیت الصلاة، باب الابراد بالظہر فی شدة الحر، مسلم، المساجد، باب استحباب الابراد بالظہر)