زیادہ ایڈوانس کے عوض کم کرایہ پر فلیٹ دینے کا حکم

سوال

کیا زیادہ ایڈوانس رقم کے عوض کم کرایہ پر فلیٹ دینا جائز ہے؟

جواب از فضیلۃ الشیخ عبد الوکیل ناصر حفظہ اللہ

مارکیٹ میں عمومی طور پر یہ معاملہ رائج ہے کہ زیادہ ایڈوانس رقم لے کر کرایہ کم کر دیا جاتا ہے، لیکن شرعی اعتبار سے ہم اس کو جائز نہیں سمجھتے۔

وجہ عدم جواز:

• مالک جو ایڈوانس رقم لیتا ہے، وہ شرعی طور پر امانت ہوتی ہے اور اس کا استعمال جائز نہیں۔
• بڑی رقم لینے کے عوض کرایہ کم کرنا درحقیقت "پیسے کے اوپر پیسے” کے زمرے میں آتا ہے، جو سود کے مترادف ہے۔
• حدیث کے مطابق
  "ہر وہ قرض جو نفع کا باعث بنے، وہ سود ہے”۔

لہٰذا اس قسم کے معاہدے سے اجتناب کرنا بہتر ہے کیونکہ یہ شرعی اصولوں کے خلاف ہے۔