سوال:

روایت : زرد خضاب مومن کا ہے، سرخ خضاب مسلمان کا ہے اور سیاہ خضاب کافر کا ہے ۔ کی تحقیق درکار ہے۔

جواب :

یہ روایت الجرح والتعدیل لابن ابی حاتم (185/4)، معجم کبیر طبرانی (14118) اور مستدرک حاکم (6239 ) وغیرہ میں آتی ہے۔ یہ سخت منکر روایت ہے۔ ابوعبد اللہ قرشی مجہول و نا معلوم ہے ۔
❀ امام عبدالرحمن بن ابی حاتم رحمہ اللہ فرماتے ہیں :
”یہ حدیث منکر ہے، بلکہ من گھڑت ہی ہے ۔ میرا خیال ہے کہ یہ ابوعبداللہ قرشی کی کاروائی ہے۔“
(الجرح والتعديل : 185/4)
❀ حافظ ذہبی رحمہ اللہ نے اس حدیث کو ”منکر “کہا ہے۔
(مختصر تلخيص الذهبي : 762)