رکوع و سجود میں قرآن کی تلاوت کا شرعی حکم

سوال

کیا رکوع اور سجود میں قرآن مجید کی کوئی دعائیہ آیت پڑھی جا سکتی ہے؟

جواب

نہیں، رکوع اور سجود میں قرآن مجید کی تلاوت منع ہے۔

دلیل:

رسول اللہ صلی اللہ علیہ وسلم نے فرمایا:
"خبردار! میں رکوع اور سجدے میں قرآن حکیم پڑھنے سے منع کیا گیا ہوں۔ پس تم رکوع میں اپنے رب کی عظمت بیان کرو اور سجدے میں خوب دعا مانگو۔ تمہاری دعا قبولیت کے لائق ہوگی۔”
(صحیح مسلم)

لہٰذا، رکوع اور سجدے میں قرآن مجید کی بجائے دعائیں یا اذکار کیے جائیں۔