روزے کی حالت میں خوشبو لگانے اور سونگھنے کا شرعی حکم

روزے کی حالت میں خوشبو استعمال کرنے کا حکم

سوال:

روزہ دار کے لیے خوشبوؤں کے استعمال کرنے کے بارے میں کیا حکم ہے؟

جواب:

الحمد لله، والصلاة والسلام علىٰ رسول الله، أما بعد!

رمضان المبارک کے دوران دن کے وقت روزہ دار کے لیے خوشبو کا استعمال کرنا یا اسے سونگھنا جائز ہے، اس میں کوئی حرج نہیں۔

❀ خوشبو (عطر، پرفیوم، تیل وغیرہ): ان کا لگانا اور سونگھنا روزے کے منافی نہیں ہے۔

❀ لیکن بخور (اگر بتی، لوبان وغیرہ) کو سونگھنے سے پرہیز کرنا چاہیے، کیونکہ:

◈ اس کے دھوئیں میں کچھ اجزاء ایسے ہوتے ہیں جو سانس کے ذریعے معدے میں داخل ہو سکتے ہیں۔

◈ یہ چیز روزے کو متاثر کر سکتی ہے۔

لہٰذا بخور کے علاوہ خوشبوؤں کا استعمال روزے کی حالت میں درست ہے۔

ھذا ما عندي والله أعلم بالصواب