مؤلف : ڈاکٹر محمد ضیاء الرحمٰن اعظمی رحمہ اللہ
«باب ليس الواصل بالمكافئ»
بدلے میں صلہ رحمی کرنے والا ناطہ جوڑنے والا نہیں ہے
«عن عبد الله بن عمرو، عن النبى صلى الله عليه وسلم قال: ” ليس الواصل بالمكافئ، ولكن الواصل الذى إذا قطعت رحمه وصلها”.» [صحيح: رواه البخاري 5991.]
حضرت عبد اللہ بن عمرو بن عاص نبی کریم صلی اللہ علیہ وسلم سے روایت کرتے ہیں کہ آپ صلی اللہ علیہ وسلم نے فرمایا: صلہ رحمی کے بدلے صلہ رحمی کرنے والا، ناطہ جوڑنے والا نہیں ہے۔ اصل رشتہ جوڑنے والا وہ ہے جب اس سے رشتہ توڑا جائے تو وہ رشتہ جوڑے۔