شہد سے علاج صحیح احادیث کی روشنی میں
حضرت ابو سعید خدری رضی اللہ عنہ سے روایت ہے کہ ایک آدمی نبی کریم صلی اللہ علیہ وسلم کی خدمت میں حاضر ہوا اور اس نے عرض کیا میرا بھائی پیٹ کی تکلیف میں مبتلا ہے آپ صلی اللہ علیہ وسلم نے فرمایا:
اسقه عسلا
”اسے شہد پلا دو ۔“
پھر دوسری مرتبہ وہی شخص حاضر ہوا۔ آپ صلی اللہ علیہ وسلم نے فرمایا:
اسقه عسلا
”اسے شہد پلاؤ ۔ “
وہ پھر تیسری مرتبہ آیا اور عرض کیا کہ (حکم کے مطابق ) میں نے عمل کیا (لیکن شفاء نہیں ہوئی ) آپ صلی اللہ علیہ وسلم نے فرمایا:
صدق الله وكذب بطن أخيك اسقه عسلا فسقاه فبرأ
”اللہ تعالیٰ سچا ہے اور تمہارے بھائی کا پیٹ جھوٹا ہے اسے پھر شہد پلاؤ ۔ چنانچہ اس نے پھر شہد پلایا اور اس سے وہ تندرست ہو گیا ۔“
[بخارى: 5684 ، كتاب الطب: باب الدواء بالعسل]