سوال

اگر ایک عورت کی یکے بعد دیگرے کئی شادیاں ہوئی ہوں، تو وہ جنت میں کس خاوند کے ساتھ ہو گی؟ کیا اس بارے میں کوئی نص موجود ہے؟

جواب

الحمد لله، والصلاة والسلام علىٰ رسول الله، أما بعد!

امام ابودرداء رضی اللہ عنہ اور ان کی زوجہ ام درداء رضی اللہ عنہا کے درمیان ایک مکالمہ مروی ہے جس کا مکمل حوالہ فی الحال یاد نہیں، لیکن اس کے مفہوم کے مطابق:

ام درداء رضی اللہ عنہا نے امام ابودرداء رضی اللہ عنہ سے کہا:

"میں آپ (یعنی ابودرداء) کو پہلے سے نہیں جانتی تھی، گھر والوں نے آپ سے میرا نکاح کر دیا۔ اب میری خواہش ہے کہ جنت میں بھی آپ ہی کے ساتھ رہوں۔”

اس پر امام ابودرداء رضی اللہ عنہ نے جواب دیا:

"اگر تم یہ چاہتی ہو تو میرے بعد کسی اور سے نکاح نہ کرنا۔”

یہ مرفوع حکم کے درجے میں روایت ہے، اور اس سے یہ بات معلوم ہوتی ہے کہ اگر عورت کا انتقال اپنے آخری خاوند کے ساتھ ہونے کی حالت میں ہو، اور دونوں جنت میں داخل ہوں، تو جنت میں بھی وہ اسی آخری خاوند کے ساتھ ہو گی۔

حدیث نبوی صلی اللہ علیہ وسلم

قال النبی صلی اللہ علیہ وسلم: اَلْمَرْأَۃُ لِآخِرِ أَزوَاجِھَا۔
"عورت اپنے آخری خاوند کے پاس ہو گی۔”
(السلسلة الصحیحة، ۱۲۸۱، ج ۳)

اسی روایت کے سیاق و سباق میں حضرت ابو درداء رضی اللہ عنہ اور ام درداء رضی اللہ عنہا کا مکالمہ مذکور ہے۔