سوال:

جس لڑکی نے بھابی کا دودھ پیا ہے، کیا اس سے نکاح ہو سکتا ہے؟

جواب:

اس سے نکاح نہیں ہو سکتا۔ یہ رضاعی بھتیجی ہے، کیونکہ یہ لڑکی بھائی کی رضاعی بیٹی ہوئی۔
وَبَنَاتُ الْأَخِ
(النساء: 23)
اور بھائی کی بیٹیوں کو بھی تم پر حرام کر دیا گیا ہے۔
جس طرح نسبی بھتیجیوں سے نکاح جائز نہیں، اس طرح رضاعی بھتیجیوں سے نکاح بھی جائز نہیں۔
نبی کریم صلی اللہ علیہ وسلم سے عرض کیا گیا کہ آپ حمزہ بن عبد المطلب کی بیٹی سے نکاح کر لیں۔ فرمایا: وہ تو میری رضاعی بھتیجی ہیں۔
(صحيح البخاري: 5100)