سوال

وہ کون سے صحابی ہیں جو جبرئیل علیہ السلام کے لہجے میں قرآن مجید پڑھتے تھے؟

جواب از فضیلۃ الشیخ فہد انصاری حفظہ اللہ

یہ اشارہ غالباً سیدنا عبداللہ بن مسعود رضی اللہ عنہ کی طرف ہو سکتا ہے۔ نبی کریم صلی اللہ علیہ وسلم نے ان کے بارے میں فرمایا:

"مَن سَرَّهُ أَنْ يَقْرَأَ القُرْآنَ غَضًّا كَمَا أُنْزِلَ، فَلْيَقْرَأْهُ عَلَى قِرَاءَةِ ابْنِ أُمِّ عَبْدٍ”
[مسند احمد: 35,36]
’’جو شخص پسند کرتا ہے کہ قرآن اسی طرح تازہ اور خالص پڑھے جیسا کہ نازل کیا گیا ہے، وہ ابن ام عبد (عبداللہ بن مسعود رضی اللہ عنہ) کی قراءت کے مطابق پڑھے۔‘‘

استدلال

جبرئیل علیہ السلام قرآن مجید نبی کریم صلی اللہ علیہ وسلم پر لے کر آتے تھے اور انہیں ایک مخصوص انداز میں پڑھاتے تھے۔
سیدنا عبداللہ بن مسعود رضی اللہ عنہ کی قراءت اس قدر خالص اور جبرئیل علیہ السلام کے لہجے سے قریب تھی کہ نبی کریم صلی اللہ علیہ وسلم نے ان کی قراءت کو قرآن کے نزول کی کیفیت کے ساتھ مشابہت دی۔

خلاصہ

سیدنا عبداللہ بن مسعود رضی اللہ عنہ کو جبرئیل علیہ السلام کے لہجے میں قرآن پڑھنے والے صحابی کہا جا سکتا ہے، کیونکہ ان کی قراءت خالص اور اصل کے مطابق تھی۔

واللہ اعلم