سوال

جادو ہوجانے کی صورت میں اور نظر کے لگ جانے کی صورت میں قرآن و حدیث میں اس کا کیا علاج ہے؟

جواب

الحمد لله، والصلاة والسلام علىٰ رسول الله، أما بعد!

✿ جادو کی صورت میں علاج:
ایسے وقت میں بندہ اللہ تعالیٰ سے دعاء کرے اور معوذتین (سورۃ الفلق اور سورۃ الناس) پڑھے۔

✿ نظر لگنے کی صورت میں علاج:
◄ نظر کا دم کیا جائے۔
◄ نظر لگانے والے کے وضوء سے گرے ہوئے پانی کے ساتھ غسل کیا جائے۔
یہ دونوں طریقے شرعی علاج ہیں۔

نظر کا دم

دم کے لیے یہ دعا پڑھی جاتی ہے:

اَعُوْذُ بِکَلِمَاتِ اللّٰہِ التَّامَّة مِنْ کُلِّ شَیْطَانٍ وَہَامَّة وَمِنْ کُلِّ عَیْنٍ لَامَّة

’’میں اللہ کے کامل کلمات کے ذریعے ہر شیطان، ہر زہریلے جانور اور ہر ضرر رساں نظر کے شر سے پناہ مانگتا ہوں۔‘‘ (صحیح بخاری: 3371)

◄ اگر دوسرے کو دم کرنا ہو تو اَعُوْذُ کی جگہ اُعِیْذُك پڑھا جائے۔